Goierri areagotua

[vc_row][vc_column width=”1/1″][vc_column_text css_animation=”top-to-bottom”]Orian Barrena bidaia zoragarria egiten aritu ginenez, aukera hori baliatu nahi izan genuen gure eskualdea hobeto ezagutzeko.

Lanketa horren barruan era askotako jarduerak edo ekimenak martxan jarri genituen eta ikasleak, protagonistak bihurtu ziren heinean, euren konpetentziak garatzeko aukera paregabea izan zuten. Elkarrizketak, azalpen testuak, argazkigintza, bideogintza, errealitate areagotua… jorratuz, Goierriko herri ezberdinen inguruko lanketa burutu genuen.

Jarraian, orain arte egin dituzten lau herrien lanketaren emaitzak.[/vc_column][/vc_row]

[tabs_framed multiply=”3″]
[tab title=”Arama-(4A)”]

Arratsalde batean hitzordua genuen alkatearekin eta, zorionez, eguraldi bikaina izan genuen gure eskualdeko herririk txikienari eginiko bisitan. Ordiziatik oinez abiatu ginen eta bide zaharretik paseo zoragarriaz gozatzeko aukera izan genuen. Denboraz larri genbiltzanez, Aramara iritsi bezain azkar talde guztiak buru-belarri lanean hasi ginen. Horrenbeste kamera, tripode eta gainontzeko gailuekin CNNko erreportariekin nahastuko ote gintuzten beldur ginen. Dena den, herritarrek oso ondo hartu gintuzten eta gure lana burutzeko genuen ordu eta laurdenean elkarrizketak, bideo-grabazioak, argazkiak, panoramikoak, errealitate areagotuan txertatu beharreko bideoak… burutzeko era guztietako erraztasunak eman zizkiguten.

Mila esker zuen harrera zoragarriarengatik eta espero dugu gure lana zuen gustukoa izatea.

Alkatearen hitzak

Aramako bideoa

Herritarren ahotsa

Arama panoramikoa

Gigapan

gigapanIrudi erraldoi hauek Gigapan izeneko zerbitzuan kokatuta daude eta bertan saguarekin eta zoomarekin nabigatzea esperientzia zoragarria izan daiteke.

Aramako plaza
Aramako parkea
Aramako ikuspegia (1)
Aramako ikuspegia (2)
Aramako frontoia
Aramako ostatua

Flickr

Arama argazkitan

Arama areagotua

aurasma2Lan hau ikusi ahal izateko, Aurasma izeneko aplikazioa zuen tabletean edo zuen mugikorrean instalatu beharko duzu.

Doako aplikazio hau Android edo iOS sistema eragileentzat topa dezakezu.

Behin aplikazioa instalatuta duzula, aplikazioa ireki eta jarraian doazen irudien gainean klikatu eta zabaltzen denean, aurrean jarri besterik ez duzu egin behar. Gure lana hortxe kargatuko baitizu. Gozatu!

[/tab]
[tab title=”Itsasondo-(4C)”]

Ijitoen herria hobeto ezagutzeko asmoz, Itsasondora abiatu ginen goiz eguzkitsu batean. Eguraldia hotz egon arren, gure ilusio horrek hotzikara guztiak uxatzen zituen. Paseo dotore bat eman ondoren iritsi ginen Itsasondora.

Bertan, Mikel Gaztañaga txirrindulari ohia genuen zain eguneko lehen elkarrizketa egiteko. Horren ondoren, udaletxeko langile den Erkuden etorri zen, izan ere, alkatea beste zeregin batzuetan zebilelako. Behin elkarrizketak amaituta, talde bakoitza bere lanetan hasi zen eta “bide gorria” egiteko makinek egiten zuten soinua kenduta, beste guztia oso ondo atera zen. Goiz ederra pasa genuen eta astetan egindako lana ederto praktikara eraman genuen.

Hemendik eskerrak eman Mikel Gaztañaga, Erkuden, Itsasondoko herritarrei… egun horretan erakutsi zuten gertutasun guztiagatik.

Mikel Gaztañagarekin solasen

Itsasondo ezagutuz

Kaleko elkarrizketak

Itsasondo irudietan

[/tab]

[tab title=”Lazkao-(4B)”]

Goierri eskualdea gehixeago ezagutzeko asmoz, Lazkaorantz abiatu ginen. Pauso arinarekin abiatu bai, baina eguraldiak lagundu ez zigunez, autobusez egin behar izan genuen bidaia.

Hamarretan, Mazpide euskaltegiko zuzendaria den Jon Urdangarin eta Dionisio Amundarainekin hitzordua genuen eta Maizpide erakutsi ondoren, hainbat kontu eta bitxikeriaren berri eman ziguten. Hainbat ekintza genituen egunean zehar burutzeko; besteak beste, bideoak, argazki panoramikak, errealitate areagotua eta beste bi elkarrizketa Ana Irastorza zinegotziarekin eta Carlos Xabier Murumendiaraz Kirol elkarteko lehendakariarekin. Eguraldi txarra zela batetik eta arazo teknikoak bestetik, aurrez programatutako guztia burutzerik ez genuen izan. Hori bai, gure elkarrizketatuei eskerrak eman nahi dizkiegu emandako informazioagatik eta eskainitako denboragatik.

Azkenik, egun ederra pasa ondoren, izandako aterruneei esker Ordiziarako buelta oinez egin genuen.

Maizpide Euskaltegian

Euskaltegi garrantzitsu honen sortzaile izan zen Dionisio Amundaraini eta egungo zuzendaria den Jon Urdangarini eginiko elkarrizketa.

Kirolari buruzko elkarrizketa

Zinegotzi batekin elkarrizketa

Lazkao irudietan

Lazkao areagotua

aurasma2Lan hau ikusi ahal izateko, Aurasma izeneko aplikazioa zuen tabletean edo zuen mugikorrean instalatu beharko duzu.

Doako aplikazio hau Android edo iOS sistema eragileentzat topa dezakezu.

Behin aplikazioa instalatuta duzula, aplikazioa ireki eta jarraian doazen irudien gainean klikatu eta zabaltzen denean, aurrean jarri besterik ez duzu egin behar. Gure lana hortxe kargatuko baitizu. Gozatu!

[/tab]

[tab title=”Olaberria-(4A)”]

Astea eguraldi zoragarriz joan bazen ere, Olaberrira joan ginen osteguna hotz eta haizetsu esnatu zen. Hala ere, ateri eutsi zion eta gaitz erdi! Lana burutzeko egun osoa genuenez, Araman ez bezala, lasaitasunez aritzeko aukera izan genuen eta egin beharreko lanak egiteaz gain, paseo eder batzuk emateko eta jolasean aritzeko denbora asko izan genuen. Pena argitasun faltak hango ikuspegi ederrak ilundu zizkigula eta haize bortitzak errealitate areagotuko bideoen audioa zapuztu zigula.

Dena den, lan txukuna egin genuela iruditzen zaigu eta jarraian doakizue argitaratu duguna. Ea zuen gustukoa den!

Alkatearen hitzak

Olaberriko bideoa

Olaberriko elkarrizketak

Olaberri panoramikoa

Gigapan

gigapanIrudi erraldoi hauek Gigapan izeneko zerbitzuan kokatuta daude eta bertan saguarekin eta zoomarekin nabigatzea esperientzia zoragarria izan daiteke.

Olaberriko plaza parketik
Aralar Olaberritik
Aitzgorri Olaberritik
Olaberriko plaza

Flickr

Olaberria argazkitan

Olaberria areagotua

aurasma2Lan hau ikusi ahal izateko, Aurasma izeneko aplikazioa zuen tabletean edo zuen mugikorrean instalatu beharko duzu.

Doako aplikazio hau Android edo iOS sistema eragileentzat topa dezakezu.

Behin aplikazioa instalatuta duzula, aplikazioa ireki eta jarraian doazen irudien gainean klikatu eta zabaltzen denean, aurrean jarri besterik ez duzu egin behar. Gure lana hortxe kargatuko baitizu. Gozatu!

[/tab]
[/tabs_framed]

By |2015-03-11T07:27:21+01:0011 martxoa, 2015|Lanean|0 Comments

Uraren zikloa landuz

Lehen hiruhileko honetan, dakizuenez, gure proiektuan uraren gaia gure eskualdearekin uztartuta jorratzen ari gara.

Orain arte, gai ugari lantzen eta, zergatik ez, nahasten ari gara. Beharbada, harrituta egon zaitezkete orain arte ikasleek ukitu dituzten gai ezberdin ugarirekin, baina errealitatea horrelakoa da. Ez da estratifikatuta, sailkatuta edo antolatuta aurkezten, aitzitik, dena nahastuta, elkarreragiten, kontradikzioz beterik… aurkezten zaigu. Bada, gure lanketa horrekin, horixe eraman nahi izan dugu gelara.

eskola_bizitza

Tradizionalki, eskola-ordutegiek eta testuliburuek ikuspegi partziala eta estratifikatua eskaini dute eta ikasleei transmititzen zaien errealitatearen pertzepzioa ez da osoa edo okerra da. Horregatik, eta kaosa edo anabasa izatearen arriskua onartuz, buru-belarri murgiltzen gara eta hamaika “saltsa” batera kudeatzen ahalegintzen gara. Beti ez da erraza izaten eta esfortzu gehigarri bat eskatzen duen arren, oso garbi daukagu horixe dela jorratu beharreko bidea eta, are gehiago, ikasleen erreakzio bikaina ikusita.

Une honetan, ikasleek jaso dute eskualde batentzat lantegiek duten garrantzia eta hauek ingurunean duten eragina, uraren eta ibaien garrantzia herrien kokapena erabakitzeko, gure etxeetara iristen den uraren atzean dauden prozesu konplexu guztiak eta gure erantzukizuna bere erabilera arduratsuan, eskualde baten adierazpen artistikoetan ingurumenak duen eragina, “industria, zerbitzuak, bizi-kalitatea, garapena, gastronomia, natura, kultura…” bezalako ideien arteko harremana, proiektu baten planifikazioa, proiektu baten garapenerako beharrezkoak diren enpatia, elkarlana, erresilientzia… bezalako kontzeptuak bizi, gure eskualdeko herrien artean dauden ezberdintasunak eta berdintasunak… Eta, jakina, jasotzen ari diren hori guztia era ezberdinez adierazteko gaitasuna garatzen ari dira. Horretarako, narrazioak, argibide testuak, eskutitzak, testu editore digitalak, aurkezpen digitalak, mapa mentalak, eskemak, infografiak, jendaurreko aurkezpenak, grafikoak… jorratzen ari dira. Eta hori guztia egitean, gainera, ibai baten zatiak eta hauen ezaugarriak, uraren ziklo naturala eta uraren ziklo artifiziala, Euskal Herriko ur muga, Euskal Herriko ibai garrantzitsuenak, uraren egoera ezberdinak eta hauen aldaketak, eskualde baten ezaugarriak, Goierri eskualdearen kokapena, Gipuzkoako beste eskualdeak, gure klima eta paisaia, klimograma digitalak, uraren erabilerak, ura iragazteko sistemak, uraren kontsumoa eta kutsadura, esperientzia zientifiko sinpleak, eraikinen oinarrizko egiturak, zortziko txikia eta zortziko handia… bezalako edukiak barneratzen joan gara.

Beraz, nahasketa edo anabasaren atzean, errealitate sendo eta konplexu bat ezkutatzen da eta jarraian doazen ekoizpenekin erakutsi eta frogatu nahi dizuegu.

Momentuz, orain arte, uraren zikloaren inguruan eginiko ekoizpen batzuekin uzten zaituztegu, baina poliki-poliki joango gara beste ekoizpenak argitaratzen.

Uraren ziklo naturala landuz, ikasleek ekoiztu dituzten bideoak

Arriarango Urtegira eta Araztegira eginiko irteeraren bideoa eta argazki bilduma

By |2014-11-05T08:14:44+01:005 azaroa, 2014|Albisteak, Hezkuntza|0 Comments