Sara Txapeldun!

Urtero legez, Gipuzkoako Bertso Idatzien Txapelketan parte hartu dugu eta gure mailatik ikasle ugari sailkatu ginen Lazkaora joateko. Izan ere, hantxe ospatu baizen baizen txapelketa horren azken saioa. Bertatik oso gustura atera baginen ere, inondik inora ez genuen espero horren albiste pozgarria jasoko genuenik. Nolanahi ere, iaz Garazik lortu zuena ikusita, gure itxaropena ere ez genuen galtzen.

Aste Santuko oporrak pasa eta gero jaso genuen berri pozgarria eta Jakintza ikastolako, Sara Garcia Rubiok bere mailan, Lehen Hezkuntzako 3. eta 4. mailan, Gipuzkoako txapela lortu zuela.

Aurreko igandean, Arrasaten ospatu zen sari banaketa ekitaldia. Jakintza ikastolako ordezkaritza gustura etorri zen Ordiziara txapela eta guzti.

Beste behin ere zorionak eman behar dizkiegu bertso paper lehiaketan parte hartu zuten ikasle guztiei. Oraingoan Sarak jaso du saria, hurrengoan beste batzuen txanda izango da.

Ikus ezazue Sara Garcia Rubiok osatu zuen bertsoa.

Gaia: Eskolara, zaldi gainean joatea gustatuko litzaidake.

Doinua: Astoa ikusi nuen

Nik badaukat zaldi bat
oso-oso polita
askotan egoten naiz
begiz itsatsita
zaldiaren atea
dago irekita
ederki joango naiz
gainean jarrita.

Bideoan eta argazkian ikus daitekeen bezala, Sararen amonaren emozioak ez zion utzi irudiak “lasaitasunez” hartzen. Hala ere, guri asko gustatu zaigu eta berarentzat ere hemendik musu handi bat bidali nahi diogu. Bejondeizula Rosa!

BIDEOA

ARGAZKIAK

By |2014-06-03T08:25:03+02:003 ekaina, 2014|Albisteak|0 Comments

Urtzi bertsolari fina

Urtzi Otaegik, 8 urteko ikasleak, familiakoekin igaro zuen igandea bertso txapelketaren finalaz gozatzen. Adimen anitzeko lanketa bat egin behar zuenean, adimen musikala aukeratuta zuen eta, jakina, giro horretan murgilduta, bertso bat asmatzea otu zitzaion eta jarraian doakizuen hamarreko txikia ekarri digu. Ideia bikaina, zalantzarik gabe.

Kontua da, gaur ikastolara bertso eder honekin etorri zaigula eta guztion gozagarri izan dela. Zorionak eta ea egunen batean Ametsek lortutakoa errepikatzea lortzen duen.

Urtzi

Oholtz gainean ditugu

zortzi bertsolari

eguna pasa dute

bertsotan kantari

guri utzi digute

nahikoa opari

ondo aritu dira

denon gozagarri

etzaio ahaztuko

bertsozaleari

By |2013-12-17T12:37:14+01:0017 abendua, 2013|Albisteak|0 Comments

Garazi txapeldun!

garazi_irastorza

Maialen Lujanbiok badu ordezkorik!

Ostiralean, Lazkaon ospatu zen bailarako bertso txapelketan gure ikastolako ordezkari batzuk parte hartu zuten eta gure mailako Garazi Irastorzak pottorik egin gabe bertsorik onenak idatzi zituen, Gipuzkoako txapelketa eskuratuz.

Ostiral honetan, Tolosako Leidor aretoan egingo den emanaldian, jasoko du merezitako saria. Bejondeiola!!!

Horra hor, idatzitako koplak:

Nire herri kuttuna
da oso polita
baina oso txikia
pentsatzen jarrita.

Inguruan baditut
zuhaitz eta lora
eta ni ez naiz joango
hemendik inora.

By |2013-08-20T12:17:29+02:0029 maiatza, 2013|Albisteak|2 Comments