Gure mailako aita den eta Gipuzkoako Ur Kontsortzioko langilea den Joxemi Telleria gurekin izan dugu, duela bi urte izandako esperientzia zoragarria errepikatuz. Ezer esan baino lehen, mila esker Joxemi erakutsitako prestutasunarengatik eta hitzaldia prestatzen nahiz ematen izandako pazientziarengatik.

mapa-ura

Orain arte, gure ikasleek uraren ziklo naturala eta artifiziala lantzerakoan, ideia asko jaso dituzte uraren erabilera egokiari buruz, uraren kutsadurari buruz eta urak gure ingurumenean jokatzen duen rol garrantzitsuari buruz, baina gaurko hitzaldiak, neurri handi batean, zirkulua itxi du. Orain, esparru horien inguruko gelako eta laborategiko lanketari ekingo diogu eta primeran etorriko zaigu gaur jasotako informazio guztia. Gainera, gure ikasleek adi-adi jaso dituzte euren koadernoetan Joxemik emandako ideiarik garrantzitsuenak. Beraz, dena pronto dugu, uraren inguruko lanketaren azken txanpari ekiteko.

Bitartean, hortxe uzten dizkizuegu gaurko bideo eta argazkiak.