Azkenean, amesten genuen eguna iritsi zen eta kirioak dantzan genituen arren, ilusioz beterik abiatu ginen Zarautz aldera gure senideak espaloian utzita. Une zaila izan zen hori; alde batetik esperientzia hori bizitzeko irrikaz geunden, baina beste alde batetik, gure senideengandik aldentzeak pena izugarria ematen zigun. Zalantzarik gabe, lehena nagusitu zen.

Lehen egunean egokitu zitzaigun eguraldiak aurreikusitako planifikazioa zapuztu zuen, baina egindako egokitzapenei esker, egitaraua bete-betea izan genuen eta aspertzeko betarik ez zen izan.

Elkano, itsasoa eta bere inguruko gai ugari (kutsadura, bizimodua, arrantzaleak…) jorratu ditugu jolas eta era guztietako ekintzak burutuz.

Datorren ikasturtean Sastarrainera joango gara eta baserriaren mundua bertatik bertara ezagutzeko aukera izateaz gain, lehen gizakien bizimodua ere ezagutuko dugu. Dagoeneko horretan pentsatzen hasita gaude 😉 Zalantzarik gabe, gela barruan baino askoz ere gehiago ikasten dugu kanpora irteten garenean.

Dena kontatzea ezinezkoa denez, hoberena da bertan grabatutako bideoak eta ateratako argazkiak ikustea. Gainera, lan asko eta lo gutxi egin dugunez, nekatuta gaude eta samurragoa izango da horrela egitea. Tarte luze baterako materiala baduzue, behintzat. Gozatu!!!

BIDEOAK

ARGAZKIAK