Larunbateko partiduekin amaitu da aurtengoz Saskibaloiko lehiaketa. Gure hiru geletako taldeak bikain moldatu dira eta emaitzei guk kasu gehiegirik egin nahi ez diegunez, ez gara horretan sartuko. Hori bai, hasierako partiduetan ikusten ziren “nahasketak” aspalditik gaindituta ikusi ditugu eta goraipatu nahi dugu talde guztietan eman den partaidetza altua eta erakutsitako jarrera bikaina. Bejondeizuela!

Larunbatean Majorira joan ginen partidu ezberdinen irudiak hartzera eta, azkenean, 3.C gelako mutilen irudi gutxi batzuk besterik ez genituen hartu eta horiekin utziko zaituztegu. Gabonetako oporren ondoren, Eskubaloiaren txanda izango da, talde kirolei dagokienez, behintzat, eta orduan ikusiko dugu kirol horretara nola moldatzen diren.