real_sociedad_81-82
Gure ikasle batek (kasualitatez, Real Madrileko jarraitzailea bera) jarraian doan bideoa bidali zidan nire posta elektronikora eta txundituta gelditu nintzen. Izan ere, “Xalbadorren heriotzean” izeneko kantaren doinua erabiliz, oso gauza politak esaten baititu Erreala zer den gogoan izan dezagun.

Youtuben horrelakorik ez zegoela ikusita, bertara igo eta hona ekartzea erabaki dut. Jarraian, 80. hamarkadaren hasieran Errealak bizi zituen urte magikoak bizitzeko aukera izan genuenok, sekula ahaztuko ez ditugun irudiak eta ahotsak jasotzen dituzten bideoak jarri ditut. Zoritxarrez, lehen liga hartatik 30 urte bete direnean, horrelakoak oso gutxitan errepikatuko dira esan dezakegu eta komeni da lortutakoa ondo dastatzea.